Гарыць гараж у Лідзе
За апошнія суткі ў Гродзенскай вобласці здарыліся тры пажары, адзін чалавек траўмаваны, паведамляе МНС
26 мая ў 16.55 выратавальнікам паступіла паведамленне пра шпіталізацыю мужчыны 1995 года нараджэння з тэрмічнымі апёкамі, якія ён атрымаў пры распальванні мангала ў вёсцы Пышкі Гродзенскага раёна.
Пасля пажару ў нежылым доме ў Мастоўскім раёне
Вечарам 26 мая ў вёсцы Лабзова Мастоўскага раёна гарэў нежылы дом. Агонь пашкодзіў дах дома.
Таксама вечарам 26 мая на 1-ай Вільнюскай вуліцы ў Лідзе гарэў прыватны гараж. Агнём знішчаны дах і перакрыцці, пашкоджана маёмасць у гаражы.
Прычыны пажараў высвятляюцца.
Фота МНС