На месцы аварыі
Пасля ДТЗ
11 чэрвеня каля 14.30 на аўтадарозе Р-11 Парачаны – Навагрудак – Нясвіж кіроўца цягача спыніўся на збочыне. Паралельна яму шчыльна прыпаркаваўся кіроўца цягача «Форд», каб, не выходзячы з кабіны, перадаць ключы. Частка яго машыны знаходзілася на праезджай частцы дарогі.
У гэты момант у спадарожным накірунку рухаўся 60-гадовы кіроца аўтамабіля «УАЗ». Ён пачаў аб’язджаць перашкоду, але ўбачыў, што на сустрэчнай паласе рухаецца аўтамабіль, пачаў вяртацца ў сваю паласу, не паспеў спыніцца і сутыкнуўся з гузавіком.
У выніку ДТЗ кіроўца «УАЗа» атрымаў траўмы рознай ступені цяжкасці і быў шпіталізаваны. Яго машыну пры сутыкненні развярнула.
ДАІ заклікае кіроўцаў быць уважлівымі на дарогах і выконваць правілы руху і бяспекі.
Фота ДАІ