За мінулыя суткі ў Гродзенскай вобласці здарыліся два пажары, паведамляе МНС
Гарэла лазня ў Петрулях на Ашмяншчыне
13 чэрвеня ў 02.38 ашмянскім выратавальнікам паступіла паведамленне, што ў вёсцы Петрулі гарыць прыватная лазня.
Калі работнікі МНС прыбылі на месца, драўляны будынак быў цалкам ахоплены полымем.
Як распавёў гаспадар, ноччу яго разбудзіў пах гарэлага. Прачнуўшыся, мужчына ўбачыў, што гарыць лазня, і паведаміў пра тое выратавальнікам.
Пажар быў ліквідаваны. Агонь знішчыў дах, пашкодзіў перакрыцці і сцены.
Адна з версій прычыны пажару — неасцярожнасць пры паленні, адзначаецца ў паведамленні.
Гарэра пакінутая на пліце без нагляду ежа
Таксама 13 чэрвеня ў 03.22 жыхар аграгарадка Гудзевічы Мастоўскага раёна паведаміў выратавальнікам, што гарыць хата суседзяў.
Пасля пажару на кухні ў Гудзевічах
На месцы пажарныя разлікі выявілі пах гарэлага ўсярэдзіне цаглянага будынка.
Як распавяла гаспадыня, ноччу іх разбудзіў пах дыму. Выйшаўшы на кухню, яны выявілі, што гараць гаспадарчыя рэчы. Вяскоўцы пачалі самастойна тушыць пажар, а суседзі тым часам паведамілі пра здарэнне ў МНС.
Гаспадары ліквідавалі ўзгаранне да прыбыцця работнікаў МНС. Выратавальнікі пераканаліся ў немагчымасці паўторнага ўзгарання.
Прычынай здарэння тут стала падгаранне ежы на пакінутай без нагляду ўключанай газавай пліце.
Фота МНС
20 ноября, на 72-м году жизни, остановилось сердце выдающегося тренера и наставника — Григория Ивановича…
Больше всего она мечтает выступать на большой сцене.
Только противогололёдного материала заготовлено 3230 тонн.
Считается, что 22 ноября зима вступает в свои права.
Министр обороны Беларуси генерал-лейтенант Виктор Хренин открыл 22 ноября в Слонимском гарнизоне модернизированный стадион «Гвардейский».
О погоде в Гродненской области на 22-24 ноября рассказали синоптики.