Пажар у Малых Жуховічах
За апошнія суткі ў Гродзенскай вобласці здарыліся два пажары, адзін чалавек загінуў, паведамляе МНС
13 чэрвеня ў 15.58 выратавальнікам паведамілі пра пажар у жылым доме ў вёсцы Малыя Жуховічы Карэліцкага раёна. У выніку пажару знішчаны дах, пашкоджаны перакрыцці, сцены і маёмасць у доме. У жылым пакоі на падлозе знойдзены мёртвым 69-гадовы мужчына, які жыў там з дазволу гаспадыні дома.
Гарыць жылы дом у Аўсядаве
Яшчэ адзін жылы дом гарэў раніцай 13 чэрвеня ў вёсцы Аўсядава Лідскага раёна. Там у выніку ўзгарання агнём пашкоджаны дах, сцены, перакрыцці і маёмасць у доме. На момант пажару гаспадар дома быў на працы.
Тушаць дом у Аўсядаве
Прычыны пажараў высвятляюцца.
Фота МНС