На месцы аварыі ў Гродне раніцай 10 ліпеня
10 ліпеня каля 05.30 у Гродне на скрыжаванні вуліц Агінскага і Напалеона Орды сутыкнуліся два легкавікі, паведамляе абласная ДАІ
Устанавілі, што кіроўца «Фольксвагена» 1997 года нараджэння рухаўся па вуліцы Напалеона Орды і пры пад’едзе да скрыжавання з вуліцай Агінскага не прадставіў перавагу легкавіку «Аўдзі» пад кіраваннем мужчыны 1989 года нараджэння, які ехаў па галоўнай дарозе.
У выніку сутыкнення «Фольксваген» перакуліўся. У аварыі ніхто не пацярпеў. Але абедзьве машыны атрымалі механічныя пашкоджанні.
У «Фольксвагене» пасажыр быў прышпілены пасам бяспекі, і менавіта гэта выратавала яго ад траўмаў, адзначаецца ў паведамленні.
Фота ДАІ