Ілюстрацыйнае фота
За апошнія суткі ў Гродзенскай вобласці здарыліся два пажары, паведамляе МНС
12 ліпеня ў 21.26 выратавальнікам паступіла паведамленне пра пажар ў нежылым доме ў аграгарадку Трабы Іўеўскага раёна. У выніку пажару знішчаны дах і пашкоджаны сцены ў доме.
Ноччу 13 ліпеня выратавальнікам паведамілі, што гарыць жылы дом у вёсцы Чашчаўляны Гродзенскага раёна. Там агнём знішчаны дах і перакрыцці, пашкоджана маёмасць у доме.
Прычыны пажараў высвятляюцца.