Ілюстрацыйнае фота
За апошнія суткі ў Гродзенскай вобласці здарыліся два пажары, паведамляе МНС
2 жніўня ў 18.27 выратавальнікам паступіла паведамленне пра ўзгаранне легкавога аўтамабіля ў прыватным гаражы на Паўднёвай вуліцы ў Ваўкавыску. У выніку пажару пашкоджаны маторны адсек і салон машыны.
Таксама вечарам 2 жніўня ў полі каля аграгарадка Лукі Карэліцкага раёна загарэўся грузавік МАЗ-555147 2012 года выпуску, які перавозіў збожжа. У выніку ўзгарання пашкоджана кабіна аўтамабіля, маторны адсек і лакафарбавае пакрыццё кузава. Работнікі МНС разам з кіроўцам выратавалі ад агню 10 тон пшаніцы сёлетняга ўраджаю, якую вёз грузавік.
Прычыны пажараў высвятляюцца.