Ілюстрацыйнае фота
За апошнія суткі на Гродзеншчыне здарыліся тры пажары, паведамляе МНС
4 жніўня ў 12.41 выратавальнікам паступіла паведамленне пра загаранне саломы ў рулонах каля вёскі Навумавічы Гродзенскага раёна. Агонь знішчыў дзве тоны саломы.
Вечарам 4 жніўня выратавальнікам паведамілі пра пажар у трохпакаёвай кватэры ў аграгарадку Падольцы Астравецкага раёна. У выніку пажару пашкоджаны пасцельныя прыналежнасці.
5 жніўня ў 00.14 выратавальнікам стала вядома пра пажар у альтанцы на тэрыторыі садовага кааператыва «Лясная паляна» каля вёскі Сухадолы Ашмянскага раёна. У выніку альтанка цалкам згарэла.
Прычыны пажараў высвятляюцца.