Ілюстрацыйнае фота
За апошнія суткі ў Гродзенскай вобласці здарыліся тры пажары, адзін чалавек траўмаваны, паведамляе МНС
17 жніўня ў 06.45 выратавальнікам паведамілі пра пажар у жылым доме на Камсамольскай вуліцы ў Смаргоні. У выніку ўзгарання пашкоджаны дах, перакрыцці, маёмасць, закурадымлены сцены. Шпіталізавана гаспадыня дома 1963 года нараджэння.
Днём 17 жніўня на вуліцы Куйбашава ў Лідзе гарэў легкавік Аўдзі-100 1991 года выпуску. Агонь пашкодзіў салон машыны.
Вечарам 17 жніўня ў вёсцы Ашмянцы Шчучынскага раёна гарэла прыватная гаспадарчая пабудова. Агнём знішчаны дах, перакрыцці і маёмасць у будынку.
Прычыны пажараў высвятляюцца.