У Слонімскім раёне гарэў жылы дом

Наступствы пажару ў Вербалотах

26 жніўня ў 01.19 выратавальнікам паступіла паведамленне пра пажар у жылым доме ў вёсцы Вербалоты Слонімскага раёна. У выніку ўзгарання знішчаны дах і маёмасць у доме, пашкоджаны сцены.

У Сасноўцы на Смаргоншчыне згарэла гаспадарчая пабудова

Раніцай 25 жніўня згарэла прыватная гаспадарчая пабудова ў вёсцы Сасноўка Смаргонскага раёна.

Таксама 25 жніўня ў вёсцы Зенюкі Шчучынскага раёна гарэў легкавік. У выніку ўзгарання пашкоджана панэль прыбораў і абсталяванне маторнага адсека машыны.

Гарэла макулатура на балконе ў Краснасельскім

У гэты ж дзень здарыўся пажар на балконе кватэры шматкватэрнага дома на Школьнай вуліцы ў гарадскім пасёлку Краснасельскі Ваўкавыскага раёна. Агнём пашкоджана макулатура, якая захоўвалася на балконе.

Наступствы пажару ў Краснасельскім

Прычыны пажараў высвятляюцца.

Фота МНС