Ілюстрацыйнае фота
За апошнія суткі ў Гродзенскай вобласці здарыліся тры пажары, паведамляе МНС
6 верасня ў 12.16 выратавальнікам паступіла паведамленне пра загаранне камбайна ў полі каля вёскі Самаравічы Зэльвенскага раёна. У выніку пажару камбайн цалкам знішчаны.
Таксама раніцай 6 верасня ў Гродне на вуліцы Урублеўскага гарэў легкавік «Форд-Мандэа». Агонь пашкодзіў панэль прыбораў, лабавое шкло і лакафарбавае пакрыццё капота машыны.
7 верасня ў 00.56 выратавальнікам паведамілі пра пажар у прыватнай лазні ў садовым таварыстве «Энергетык-4», што ў вёсцы Пагараны Гродзенскага раёна. Там агнём пашкоджаны дах, перакрыцці і сцяна ў парылцы.
Прычыны пажараў высвятляюцца.