На месцы смяротнага ДТЗ у Лідскім раёне 10 верасня
Смяротнае ДТЗ адбылося каля 13 гадзін 10 верасня на 194-ым кіламетры аўтадарогі М-6 каля вёскі Шпількі Лідскага раёна, паведамляе абласная ДАІ
«Газэль» пасля сутыкнення са «Шкодай»
44-гадовы кіроўца легкавіка «Шкода» рухаўся ў бок Мінска, па крайняй левай паласе пачаў абганяць вялікагруз і сутыкнуўся з машынай прыкрыцця работнікаў дарожнай службы, якія ажыццяўлялі абслугоўванне бетонных блокаў на раздзяляльнай паласе.
Пасля аварыі
У выніку ДТЗ кіроўца «Шкоды» загінуў на месцы. Людзі, якія знаходзіліся ў салоне «Газэлі» і на раздзяляльнай паласе не пацярпелі.
Фота ДАІ