Гарэла кватэра ў Зэльве
Наступствы пажару ў кватэры
22 верасня ў 12.58 выратавальнікам паведамілі пра пажар у кватэры ў Зэльве на Шасэйнай вуліцы. У выніку ўзгарання пашкоджана маёмасць у кухні і закурадымлены сцены. Верагоднай прычынай пажару называецца кароткае замыканне электраправодкі халадзільніка.
Пасля пажару ў лазні ў Шчучыне
У гэты ж дзень гарэла прыватная лазня ў Шчучыне. У выніку пажару пашкоджаны дах, перакрыцці, закурадымлены сцены і столь. Неасцярожнае абыходжанне з агнём магло стаць прычынай гэтага пажару, адзначаецца ў паведамленні.
Пасля пажару ў лазні ў Юрацішках
Яшчэ адна прыватная лазня гарэла ноччу 23 верасня ў гарадскім пасёлку Юрацішкі Іўеўскага раёна. Агонь знішчыў дах, пашкодзіў сцены і маёмасць у лазні. Да пажару ў лазні магла прывесці трэшчына ў дымаходзе.
Гарэла гаспадарчая пабудова ў Навасядах
Днём 22 верасня гарэла гаспадарчая пабудова ў вёсцы Навасяды Ашмянскага раёна. Агнём знішчаны дах і пашкоджаны перакрыцці ў будынку. Да пажару ў гэтым выпадку прывяла неасцярожнасць падчас зварачных работ.
Вечарам 22 верасня здарыўся пажар у кацельнай МТК у вёсцы Зенюкі Шчучынскага раёна. У выніку ўзгарання пашкоджаны ўцяпляльнік расшыральнага бачка на плошчы 2 квадратныя метры. Прычыну пажару павінны высветліць спецыялісты.
Фота МНС