Ілюстрацыйнае фота
23 верасня ў 22.35 сістэмамі аўтаматычнай пажарнай сігналізацыі і перадачы апавяшчэнняў пра надзвычайныя сітуацыі «Маланка» выеўлены пажар у памяшканні харчблока на тэрыторыі пансіяната ў вёсцы Вялікія Карнышы Навагрудскага раёна.
У выніку ўзгарання пашкоджаны электрычны кабель, вентыляцыйная гофра, выключальнік, аздоба столі на плошчы 1 квадратны метр і знішчаны выцяжны вентылятар электрарухавіка пасудамыечнай машыны. Ніхто не пацярпеў. Патушылі пажар да прыбыцця падраздзяленняў МНС.
23 верасня ў 12.28 выратавальнікам паступіла паведамленне пра пажар у жылым доме ў аграгарадку Дзярэчын Зэльвенскага раёна. Ад агню пацярпела цюль на кухні. Узгаранне было патушана да прыбыцця пдраздзяленняў МНС.
Таксама днём 23 верасня гарэў жылы дом у вёсцы Макрэц Навагрудскага раёна. У выніку ўзгарання пашкоджана канапа і пасцельныя прыналежнасці.
Вечарам 23 верасня ў вёсцы Навасады Воранаўскага раёна гарэла гаспадарчая пабудова. Агонь знішчыў дах, пашкодзіў сцены і перакрыцці ў будынку.
Яшчэ адна гаспадарчая пабудова гарэла раніца 24 верасня ў вёсцы Дайнова Воранаўскага раёна. Там таксама агнём знішчаны дах, пашкоджаны сцены і перакрыцці.